دار زيد
رحت المحل دا , قسم العوائل, في الصباح مرتين و كان انتظار ساعة و المرة الثالثة كلن مقفل عشان يقفلوا يوم الأحد. المهم رحت الاسبوع اللي فات و أخيرا دخلنا! جدتي كانت معانا و الحلو في المحل إنه مُهٓيٓإ لذوي الاحتياجات الخاصة.
طلبنا:
أومليت بالخضار 8.5/10 (الصورة الثانية)
الحشوة كانت مرة حلوة و جات التتبيلة بالزبط على مزاجي ما احتجت أحط حتى ملح.
.,
بيضتين بالبيكون و عيش البريوش 9/10 (الصورة الثالثة)
مرة لذيذ لا يفوتكم! العيش مميز و جداً طازج و البيض عليه صوص مرة لذيذ. و يجي معاه صوص زهري على الجنب مع بطاطس مقرمشة.
.,
تشكيلة الپانكيك 9/10 (الصورة الأولى و الرابعة)
سعرة غالي بس مرة يستاهل! كل صوص عندهم يجيبوه على الجنب حتى يجي معاه آيسكريم. أربعة انواع پانكيك: كريمة الفستق مع حلاوة شعر فوقه، كندر و صوص الكيندر على الجنب، سادة مع نوتيلا و مكسرات و ميپل سيريپ على الجنب، پانكيك صحي أسمر و عليه توت و فراولة مع عسل على الجنب.
. ,
+ طلبنا اثنين شاهي و موية
,
الحساب طلع ١٦٨ ريال
لازم تروح هناك جاهز إِنَّكَ تاكل بيدك - بس حيعطوك جٓوٓنتي.. الجو العام للمحل جميل جداً و الخدمة ترحيبية و جداً لطيفة بالإضافة إلى كون الموظفين مُدٓربين جيد.. لمسة أيضا جميلة كون ولد صاحب المطعم يعمل هناك.
.
السعر غالي شوية، و اضطرينا نستنى برّة عشان مكان الانتظار كان مليان..الأكل لذيذ جداً و التجربة كانت ممتعة! .
طلبنا:
كلماري مقلي ٢٩ ريال 8/10
القلي ممتاز و مقرمش
طلب الجمري مع صلصة الأناتومي ٦٥ ريال 8/10
ممتاز!! الجمبري جداً لذيذ و مرة سهل يتقشر... جربت كمان الكراب و المحار و اديلهم 8/10 زي الجمبري.
الصوص مرررة لذيذ و استمتعت بتغميس الذرة في نفس الصوص.. الصوص لحالو يأخذ 10/10!!! .
,
البطاطس الكاجن ٩ ريال 7/10
لذيذ لكن ليس مميز
حجم الطلبات كان مناسب بس لو واحد مرة جيعان ممكن يطلب اشياء جانبية زي الدجاج المقلي.
لسه المطعم افتتاح تجريبي فبعض الطلبات غير متوفرة لسه زي الشربة. أكيد حرجعله ثاني