• لفترة طويلة و أنا أبغ أكتب تقييم للمطعم الفرنسي لا كوزين. مطعم قريب لقلبي من زماااااان . الموقع شارع فلسطين غرب طريق الأندلس. كان يعتبر من أغلى مطاعم جدة و الي أحترمه فيه إنّو محافظ على مستواه مع إنّو أسعاره زي ما هي لسنين أو زادت شوية مرة مع غلاء مطاعم البلد . مو بس كدا كمان عاملين ١٠٪‏ خصم الأحد الاثنين الثلاثاء و الأربعاء! . للأسف تغير نوع الخبز الفرنسي و الزيتون. زمان كان يستخدمو نوعية خبز ممتازة و زيتون بيميمنتو. الآن غيرو نوع الخبز والزيتون(الصورة الثانية) . طعم الستيك اكيد أفضل من المطاعم التركية و السعر قريب. بس اذا طلبت المينيو الجاهز بالانتركوت (كافي دي باري) يكون السعر ١٩٥ ريال جدا معقول باعتباره لشخصين. الطلب يشمل: شوربة أو سلطة. احنا طلبنا شوربة كريمة الجمبري و سرطان البحر. بعد ما تزود شوية ملح و ليمون ياخذ ٨.٥ من ١٠.. ممتاااز. (الصورة الثالثة) . انتركوت. صراحة أظن الكمية قلت شوية عن زمان أو انا عيني كبرت. طلبنا (ميديوم). من أفضل الانتركوت الي ممكن تذوقو. يتقدم مع بطاطس. ٩/١٠.. (الصورة الأولى). . السوفليه... اوووو و ما ادراك ما السوفليه. المكان الوحيد في جدة الي يقدم سوفلبه فانيلا. رهيييب.. للاسف غيرو نوع الايس كريم من موفنبيك لشي تاني.. ٩.٥/١٠... (الصورة الرابعة). @movenpick_ksa